Cuan prencipiaba o partiu, nevisquiaba en O Plantío, en o zaguer partiu d’o 2025. L’equipo tornó a las suyas esencias con Sellés y salió con personalidat y prebando de ganar o partiu. Ante un Burgos que veniba de ganar en Almería y a o Getafe en Copa. Tachi y Tasende yeran as principals novedaz en l’once, cosa que se podeba imachinar, chunto a Cuenca en cuentas de Francho. Soberón tenió una buena ocasión y Valery recullió o refús y tenió o primer palo d’a freda tardi.

Manimenos, o Burgos s’adelantaba en o marcador, dimpués d’una escopetiada chugada, David poneba o primer gol cerca d’o descanso. Contrimostrando que ye un equipo que necesita poco pa creyar periglo.

O Reyal Zaragoza no rebló y continó fendo un poder por empazar un partiu que se pareixeba al chugau en Malaga. Soberón trigaba mal en una buena ocasión. Juán Sebastián  se topetaba con o poste dimpués d’un corner y atra vez Soberón en una falta sacada por Guti. Tamién bi habió tiempo pa la polemica, con un posible penalty por man de Lizancos. Y Andrada demandó a Fer Niño poder sacar.

Cada vez yera o Burgos más enta zaga esfendendo a victoria. Pareixeba que nunca no iba a dentrar a pelota, pero Bakis se sacó un gran tiro dende fuera de l’aria pa poner un gol por a escuadra. Gol que vale un más que mereixiu punto y cambear o suyo destín en l’equipo. O Reyal Zaragoza dixa d’estar colista pero contina a cuatro puntos d’a salvación.

Andrada: Bien. O primer chugador pa prencipiar o chuego antimás de fer aturadas.
Juan Sebastián: Aprebau. Cumplió en o lateral.
Insua: Aprebau. Resolvió o suyo treballo.
Tachi: Aprebau. Cumplió i tornando a la titularidat.
Tasende: Bien. Dio más profundidat dende o suyo lateral.
Keidi Bare: Bien. Esmaxinó tot o partiu.
Raúl Guti: Bien. Distribuyió bien o chuego.
Valery: Bien. Más entonau.
Cuenca: Aprebau. Prebó de ser vertical.
Soberón: Bien. No tenió suerte cara a gol.
Kenan Kodro: Aprebau. Treballo d’equip.

Toni Moya: Aprebau. Aduyó a dominar más o balón.
Sebas Moyano: Aprebau. Participativo, s’ufrió.
Dani Gómez: Aprebau. Más movilidat en l’ataque.
Bakis: Notable. Gran gol pa redimir-se.
Saidu: Aprebau. Tornó a chugar y aportó vigor.

Rubén Sellés: Bien. Buen planteyamiento y cambios encertaus. Va metendo a más chugadors en dinamica.

Alejandro García