O Reyal Zaragoza perpetró en Andorra una faltada a la suya historia. Y no por a rariza camiseta. Con una primera parti ya en a historia negra d’o club. Si ganaba se meteba a 2 puntos, precisament de l’Andorra, quinteno por a coda. Pero salió sin garra tensión, competitividat ni argüello. Chugando caminando y mirando-se a l’ Andorra que ya ganaba por dos gols a los 25 minutos. Josep Cerdà feba una buena chugada con una esfensa zaragocista pasiva y por tierra y remataba raso. Y remataba de raso solenco un corner. Sellés sosprendió dixando sin chugar a Mensah. Y o meyocampo Akoukou-Francho naufragó de raso. Valery continó desapareixiu y Rober tenió un mal diya. 

L’afición zaragocista en a grada se miraba incredula. La que i podió dentrar, prou que sí. O club dirichiu por o exzaragocista Piqué, decidió no dixar dentrar-ie a l’aficionau zaragocista que heba mercau 45 dentradas debant d’as dificultaz pa poder fer-lo dende Zaragoza. Una acción propia de un club muito chicot y sin valors. O Reyal Zaragoza ha anunciau que compensará a istas 46 personas. Talment en Andorra podeba haber feito muito más.

En a segunda parti, o Reyal Zaragoza a lo menos contrimostró una millor actitut. Pero Eder Mallo s’inventaba una atra expulsión por doble amariella a Insua. Dos accions parellanas en o costau local quedoron sin tarcheta. Con tot y con ixo, o Reyal Zaragoza tenió os suyos millors minutos y Dani Gómez poneba un gran gol dende a frontal de l’área a la escuadra. A l’Andorra que por bella cosa le feba un poder en casa suya, le dentró mesmo medrana con uno más. Pero sabió aturar o partiu con lo que sabe fer millor, tocar a pilota.

Tanimentres, garra chent dende a directiva pareix con personalidat ni dignidat pa dar explicacions en o pior inte d’o club dende rematada a guerra civil. O Reyal Zaragoza s’amorta y va endrezau difuera d’o fútbol profesional.

Andrada: Aprebau. Vendiu en os gols.

Aguirregabiria: Suspenso. Ni en esfensa ni ataque.

El Yamiq: Aprebau. A lo menos tenió actitut os 90 minutos.

Insua: Suspenso. Desbordau y expulsau.

Larios: Aprebau. Cumple.

Akoukou: Suspenso. Disperso.

Francho: Aprebau. Voluntat.

Rober: Suspenso. Mal diya.

Valery: Suspenso. Que decepción.

Soberón: Suspenso. Poca cosa.

Dani Gómez: Aprebau. Gran gol y poco más.

Cuenca: Aprebau. Siempre lo preba.

Gomes: Aprebau. Estió bien.

Lucas Terrer: Aprebau. Salió en un mal inte.

Agada: Suspenso. De pretemporada

Sebas Moyano: Aprebau. Poco tiempo.

Rubén Sellés: Suspenso. A primera parti estió indigna.

Alejandro García