Cultural Leyonesa y Reyal Zaragoza contrimostroron por qué son en descenso. Un partiu chugau con medrana a perder y veyer-se pior que ya son. Con otro empace que no sirve guaire. Asinas que bi habió pocas chugadas a destacar. Un centro de Calero tocó en a man de Francho dimpués de tocar en o muslo. Dende o VAR Milla Alvéndiz gritó a González Esteban pa revisar a chugada. A polemica viene porque nomás le mostró a toma an pior se veye o rebote, lo que seguntes a normativa no sería penalti. Como en o partiu de ida con l’Albacete. Andrada endivinó o tiro, tampoco no masiau bien feito por Sobrino.

O partiu se ubrió una mica en a segunda parti  y antimás ista vez os cambios facioron honra con a dentrada de Soberón, Cuenca y Lucas Terrer. Y se puede dicir que os dos canterants estioron d’o millor. Lucas Terrer a la fin chugó suelto y con movilidat. Bien compenetrau con Rober. Tanimentres que Cuenca tenió a millor ocasión con un remate de capeza que sacó Edgar Badía. Francho tamién la tenió dimpués d’una buena chugada de Rober. O Reyal Zaragoza dominó a segunda parti y bien podió ganar pero no estió prou ante un rival directo que nomás tenió a suya ocasión en una error de Akoukou.

Un empace que fa más urchent encara ganar en Andorra, atro rival directo. As oportunidaz se van acotolando. Y ya cal ganar dimpés d´una victoria en os zaguers once partius.

Andrada: Bien. Aturó o penalty.

Aguirregabiria: Aprebau. Puyó poco a banda.

Insua: Aprebau. Tornó y cumplió.

Gomes: Aprebau. No s’embolicó.

Larios: Aprebau. Serioso.

Mensah: Aprebau. Prencipió o chuego.

Akoukou: Aprebau. Millor en recuperación que no distribuyindo.

Rober: Bien. O chuego d’ataque pasa por el.

Cumic: Aprebau. Treballo sacrificau.

Francho: Aprebau. Le falta encierto.

Dani Gómez: Suspenso. Masiau barafundioso.

Soberón: Aprebau. Se movió bien.

Cuenca: Bien. Desborde, nomás le falta poner un gol.

Lucas Terrer: Bien. Participativo.

Tasende: Aprebau. Prebó de dar más profundidat.

Saidu: Aprebau. Más entonau.

Rubén Sellés: Aprebau. Reaccionó bien con os cambios pero no estió prou pa una victoria que ya cal.