Dimpués d’a redota en Granada, pocas personas hesen pensau posible que o Reyal Zaragoza iba a ganar os tres partius venients. Ganar tres partius consecutivos en segunda ye muito difícil por a igualdat d’a categoría, mesmo pa os equips d’a parti alta. Asinas que o treballo de Sellés y os chugadors ye de gran merito.
Contra o Leganés, se chugó o millor partiu d’a temporada, y nomás Soriano privó una goleada. En doce minutos ya heba feito tres aturadas a tres ocasions cadaguna más clara que l’anterior, a Kodro, Soberón y Francho. Pero se cumplió a lei d’o fútbol y Duk poneba un gol en una chugada que o Reyal Zaragoza no remató en sacar a pilota, remataría o partiu expulsau por una fiera entrada a Moya. O partiu se poneba nublo como o ciel. Como tamién estió expulsau Marvel por una inocent agresión a Francho sin pilota. Ista vez, o VAR estió a favor local.
S’anulaba un gol a Kodro por fuera de chuego, pero a la tercera sí poneba, de cabeza, l’empace en o marcador. Dica l’intermeyo continó atacando y podió repinchar o marcador. En a tornada, Soriano sacaba una pilota de gol a Soberón a mazada. Una error de Ignasi Miquel, prevocó una falta sobre Francho. Toni Moya poneba un golazo de falta en a mesma escuadra. Dende 2018 o Reyal Zaragoza no poneba un gol de falta dreita.
O Reyal Zaragoza continó con anglucia y Aguirregabiria puyó con rasmia a banda, levando-se dos rechaces y asistiba a Francho pa o tercer gol. Bien podió plegar o cuarteno, pero un penalti inocent de Lucas Terrer fació meter-se masiau enta zaga a l’equip. Cuan demientres o partiu heba estau superior contra once y contra diez. Con tot y con ixo, contina en a zaguera posición, pero ya a tres puntos d’a salvación.
Andrada: Aprebau. No habió d’intervenir guaire.
Aguirregabiria: Notable. Buena sociedat con Francho en a banda dreita.
Insua: Aprebau. Poco treballo.
Radovanovic: Aprebau. En a suya linia.
Pomares: Bien. Entonau en esfensa y ataque.
Keidi Bare: Notable. Alacetal en a reacción de l’equip.
Raúl Guti: Bien. Buena quefer.
Francho: Sobresalient. Estió en tot lo que fació honra.
Valery: Bien. Nomás le falta concretar en gol.
Soberón: Bien. Buena movilidat, le faltó poner un gol.
Kenan Kodro: Notable. Luita y gol.
Toni Moya: Notable. Criterio y ponió un golazo. Ha millorau con Sellés.
Sebas Moyano: Aprebau. Buenos detalles.
Tasende: Aprebau. Prebó de dar profundidat.
Bakis: Aprebau. Baralló una mica desordenau.
Lucas Terrer: Aprebau. Sellés premió o suyo buen treballo en os entrenamientos.
Chugador d’o mes de Noviembre: Francho
Rubén Sellés: Notable. L’equip contina progresando y dixó bells mensaches a qui no faiga un
poder.
Alejandro García
Leave a Reply