“Muga” ye un curtometrache que se desenrolla en una muga imachinaria, con una maleta plena de vivencias y una uembra. A traviés d’estes tres elementos, la obra mira de narrar una historia que en contiene muitas atras. Exploro la ideya de muga como una tierra de dengún, a on la presencia d’as personas se mezclucian a es dos costaus, muga como historias de paso, d’olbido u d’esperanza. Tamién como adiós definitivo u un adiós d’o que de vegadas tornar fa mas mal que marchar, y muga como contrapunto de chirmandat y fraternidat a on es lugars y las personas que en fan partache tienen mas cosas en común que no nos creyemos.

La breu secuencia d’imachens se narra cuasi sin palabras, convidando a cada espectador a vivir la suya propia experiencia y descubrir a la fin un significau diferent, personal y unico.

“Muga” naixe d’una ideya que m’acompanyaba dende fa tiempo, una chicota historia que mira d’ homenachiar a totas aquellas personas que habioron de marchar per diferents razons y que, en a mayoría d’es casos, nunca no podrán tornar.

Lo radiu texto que i amaneixe y s’ascuita, ye en aragonés, como simbolo d’una chicota luenga que se resiste a dispareixer, y que nomás qui la conoixemos, la vivimos y la femos servir podemos manterner-la viva. Que entre toz faigamos que no cruce ixa muga y nunca no se pierda.

Lo viernes lo podrez veyer en a canal de YouTube.

Rafa Laviña