Es Colectivos de Chóvens Comunistas (CJC) d’Aragón han divulgato en es suyos rez socials una acción de denuncia cuentra ro ninvío d’armamento dende l’aeropuerto de Zaragoza enta Israel. Seguntes es datos que s’han feto publicos, “mas de 60.000 piezas d’armamento voloron dende Zaragoza enta Israel dende chinero de 2024 dica agora, a tamas de ra suspensión anunciata por o Gubierno”.

Ya en febrero, se conoxeba esta noticia, pero dende alavez a presión social y ra denuncia masiva de ro chenocidio en as carreras, y dica en a prensa mainstream, han aconseguito de fer visible ro enganyo de ro sionismo.

Manimenos, ni l’halto ro fuego ni a suspensión de ros envios d’armas por part de ro gubierno espanyol no s’han cumplito en absoluto. A realidat ye que continan as entregas de material militar, o que refirma a posición de ras organizacions que denuncian a complicidat de ro Estato espanyol en o conflicto.

Dende CJC Aragón afirman que “nunca será posible una paz en mans de ros gubiernos imperialistas, ni en o mas correcto ni en o mas descarato”. Es comunistas tienen clara a posición de ra clase treballadora en Palestina y en tot o mundo: “¡AS SUYAS GUERRAS NO LAS PAGAMOS! ¡VIVA PALESTINA LIBRE!”.

Con estas accions, es chóvens reclaman a fin de ro comercio d’armas con Israel y cridan a ra sociedat aragonesa a mantener a presión en a carrera pa no consentir que ro nuestro territorio siga plataforma de violencia cuentra ro pueblo palestín.