O Reyal Zaragoza, y torna a burra t’o trigo. Dimpués d’o pregón y a borina plegó a resaca con atro sofoco. Gabi dio continuidat a l’once y planteyamiento feito en Vitoria. Fueras d’a obligada de Tasende por Pomares. En a primera parti, sin fer guaire, sí tenió ocasions suficients como pa poner bel gol en o marcador. Gabi, en rueda de prensa, no sabió esplanicar por qué l’equip perdona tanto, si ye cosa suya, de calidat u d’entrenar más. Francho y Cuenca con tiros alteros en optima situación, Dani Gómez se trobó con una buena aturada d’Iker y Dani Gómez pecó de cheneroso en un man a man. Tanta ocasión, tamién charra d’un rival feble que o Reyal Zaragoza no podió aproveitar pa ganar o suyo primer partiu en casa suya. Tampoco no contrimostró calidat ni saber levar o partiu l´arbitro Sánchez López, con masiadas tarchetas amariellas.

Precisament a más important d’o partiu no lo sacó, a segunda a Villarrasa por cortar una pilota con a man. Iván Ania lo veyió claro y lo cambió a escape. Deixando encara más en evidencia a decisión arbitral. Dimpués sí forachitó a Akoukou en una rocambolesca chugada, an parixeba dar lei d’avantalla, dimpués bote neutral y a la fin falta unos metros adebantada respecto a on s’heba feito. Pa ixe inte, una vez más, o Reyal Zaragoza ya yera de raso difuera d’o partiu tras l’autogol de Francho, atro partiu sin garra capacidat d’reacción. Y unos cambios a la desesperada que descolocoron a l’equip. Ante un Cordoba que casi no heba feito cosa en ataque.

Ye verdat a influyencia d’a no expulsión en o partiu. Pero o Reyal Zaragoza tien un problema más grau que unas actuacions arbitral que tampoco no han aduyau. L’equip, tras ueito chornadas, tien una estructura y mentalidat febles, que s’espalda en a primera dificultat. A situación ye pa estar amuinau. Gabi pareix superau y sin respuestas a lo que le demanda l´equip, a qui le falta fútbol y ya ye ancorau en descenso.

Andrada: Suspenso. Podió fer más en o gol.

Francho: Suspenso. Partiu desencertau.

Insua: Aprebau. Correcto.

Tachi: Aprebau. Con a suya contundencia.

Tasende: Aprebau. Lo prebó más que más en ataque.

Akoukou: Aprebau. Se va contachiando d’a mala dinamica.

Saidu: Aprebau. Activo.

Raúl Guti: Aprebau. De más a menos.

Sebas Moyano: Suspenso. No tenió buen día.

Cuenca: Aprebau. Con desborde pero desaproveitó ocasions.

Dani Gómez: Aprebau. Siempre cumple.

Valery: Aprebau. Gabi le tornó a cambiar de puesto.

Pau Sans: Aprebau. Con ganas pero poco periglo.

Kenan Kodro: Aprebau. Baralló pero no estió asistiu.

Bazdar: Aprebau. Gabi no lo mete en dinamica.

Soberón: Aprebau. No se le puede culpar si Gabi lo mete luent de l’aria.

Gabi: Suspenso. No le da una estructura cereña a l’equip ni aduya con os cambios.

Alejandro García