Gabi heba dito en a previa que caleba ganar como fuese. O Reyal Zaragoza ganó bien, con chusticia, en o millor partiu d’a temporada. En un partiu serioso y que s’acosta a la ideya que alto u baixo se teneba de l’equip antes de prencipiar a temporada. Cereño en esfensa, bien plantau y aproveitando bella ocasión en ataque.

Gabi sosprendió con l’aliniación. Mas que mas con o cambio en a portería. Pero a la fin qui más influyó estió o cambio de sistema a un 4-3-3 con un chugador mas, Saidu, en o meyocampo. De vez que a dentrada de Tachi dio más oficio a la esfensa. Insua y él estioron muito bien esfendendo l’aria.

Una buena chugada colectiva la remató Sebas Moyano pa poner o gol d’a victoria. Un chugador que s‘ha entonau muito en os zaguers dos partius. Buen partiu tamién de Cuenca, desbordando por banda. En a segunda parti, Guti estreló a pilota en un esfensa con tot a favor, dimpués d’una buena puyada de Francho.

L’arbitrache no influyó en o marcador y deixó chugar. Pero estió desigual en sacar as tarchetas amariellas. Y como en Castellón, se demandó una tarcheta roya por falta a Dani Gómez cuan s’iba solenco enta l’aria rival.

Andrada tasament habió d’intervenir-ie pa aturar bella pilota, con un Mirandés romo en ataque. A ocasión más esclatera estió en un corner con un mal despielle de Paulino y o remate en o larguero. Un descuento una mica luengo remataba en a primera victoria d’a temporada y en una linia a continar.

Andrada: Aprebau. Buen chuego con os pies.

Francho: Bien. Se va fendo a o lateral.

Insua: Bien. Serioso y firme.

Tachi: Bien. Contundent.

Pomares: Bien. Controla bien a suya banda.

Akoukou: Bien. Tornó a dominar o meyocampo.

Saidu: Aprebau. Condicionau por una tarcheta rigurosa.

Raúl Guti: Bien. Creyando chuego.

Cuenca: Bien. Desbordó dica que le duró o fisico.

Sebas Moyano: Notable. Gol y periglo en ataque.

Dani Gómez: Bien. Treballa muito por l’equip.

Paulino: Aprebau. Fació un poder aduyando en esfensa.

Keidi Bare: Aprebau. Oficio en os zaguers minutos.

Tasende: Aprebau. Doble lateral con Pomares.

Bazdar: Aprebau. Dio una mica d’aire a l’ataque.

Gabi: Bien. Cambio de sistema, más equilibrau y buena reacción dimpués d’a esferra en Ceuta.

Chugador d’o mes: Dani Gómez y Akoukou.

Alejandro García