Dende ra Sección Sindical de ro Sindicato Obrero Aragonés (SOA) en Fundación Valentia Uesca, expresan o suyo refirme firme y compromeso a ra entidat y a totas ras personas que forman part de ro Centro Ignacio Claver de Martillué, debant de ra preocupación chenerata por o prochecto d’instalación d’una planda de compostache en as suyas immediacions.

Este centro, referent por a suya labor en l’atención a personas con discapacidat intelectual y trastorno de ro espectro autista, merexe un entorno tranquilo, saludable y seguro, que guarencie ro bienestar tanto de ros suyos usuarios como de ro personal que allí treballa con dedicación y sensibilidat.

Se suman a ra voz de Valentia, manifestando ro suyo refuso a ra ubicación proposata pa esta planda, no por oposar-se a ro compostache como ferramienta d’economía circular, sino por a inadecuación de l’emplazamiento, a escasos metros d’un centro asistencial y d’un manantío que abastexe a ra población.

Dende SOA defenden o dreito a un entorno laboral digno, libre de risgos ambientals, rudios, olors y atros factors que puedan afectar a salut fisica y emocional de ras personas usuarias y treballaderas. Consideran imprescindible que se replanteye ra ubicación de ro prochecto, buscando alternativas que no comprometan a calidat de vida ni ros dreitos fundamentals de qui habitan y treballan en esta zona de ro Pireneu. Reivindican tamién a transparencia en es procesos administrativos, a participación ciudadana y sindical en la presa de decisions, priorizando siempre a salut y ro benestar de ras personas frent a cualsequier interés economico u tecnico.

Dende ra sección sindical, reiteran o suyo compromiso con a defensa de ros dreitos laborals, socials y ambientals, y se meten a ra disposición de Fundación Valentia y de ra comunidat afectata pa colaborar en tot o que sía necesario.