La maitinada d’iste luns 25 d’agosto, lo personal d’o Concello de Uesca ha picau dos arbols plataneros d’ista gran carrera pa fer una rotonda en ixe puesto.

A construcción d’a urbanización d’as Harineras ye empentando la millora d’una d’as prencipals entradas d’a ciudat.

Por ixo, urbanismo feba saber que s’heban de picar os arbols d’o canto d’a carrera. Bi habió firme respuesta d’a chent que, a traviés d’Asociación de Vecins d’o barrio La Encarnación, clamoron pa fer una concentración ciudadana en cuenta d’ista mida.

La preocupación más gran yera por un cedro de a saber de metros d’alto que feba mosquera a un parque pa ninos y grans.

En zagueras, de manyanas o concellero de medio ambient y servicios chenerals y o concellero d’urbanismo han saliu a decir que lo cedro no s’iba a picar. Que nomás s’heban de picar os dos plataneros pa fer a rotonda y que dimpués s’iban a plantar 420 arbols en a nueva urbanización.