Un anyo a l’arreu d’atro, ra pobreza extiende ras suyas zarpas entre ra población treballadera, trucando de traza multifacetica; afectando a ra situación de ra vivienda, a ro suyo emplego y a ra posibilidat que disfrute d’unas vacancias y descanso durant o verano. Dentro de ra Unión Europea, mas de 40 millons de personas —basando-se solo en cifras oficials— se troban baxo ro que se diz una “pobreza vacacional”, que ye ra incapacidat de permitir-se un viache d’una semana difuera de casa.

En agudizar-se ras contradiccions en o sino de ro sistema imperialista, se deteriora ra situación de ro pueblo treballador de ro mundo; o capital, en explotar o treballo de ra clase obrera en toz es países con a connivencia de ros gubiernos y ra UE y canalizar mas fondos pa fortalexer a industria belica y preparar-se pa ra guerra y ra suya propia competitividat, dexa a ras familias obreras con cada vegata menos. Entre atras formas, esto se manifiesta en cada vegata menos familias tenendo ra posibilidat d’un ocio y unas vacancias significativas, retalladas en programas de turismo social y comercialización de plachas, selvas y montanyas pa actividaz empresarials.

A ro mesmo tiempo, ro turismo se convierte baxo ro capitalismo en un lastre pa muitas comunidaz que s’espalda baxo ro peso de ro turismo masivo basato en a rentabilidat de ro mercato capitalista, disparando ros precios y trestucar as posibilidaz d’una vida normal de ra población local baxo ro peso de ra falta d’una infrastructura moderna de protección civil y de servicios con personal, a causa de ro perigloso criterio coste-beneficio. En a epoca de ra intelichencia artificial, en a cuala ros treballadors —incluyindo ros de ros sectors alimentario y turistico— poderban treballar menos horas, con menos esfuerzo, y estar millor remuneratos, estos realizan a ra fin chornatas extenuants en condicions deplorables y por baxos salarios.

Este succeso, en o cualo se niega l’ocio y ro descanso a cada vegata mas personas y ro turismo masivo prene unas proporcions inabarcables, no ye necesario. Mas bien ye una consecuencia de ro sistema capitalista y de ra suya lochica.

Emparamos as luitas de ros treballadors en o sector de ro turismo y ra hostelería y ras reivindicacions de ros treballadors d’acceso libre y gratuito a plachas, selvas y montanyas, libre de ras actividaz empresarials.

Manimenos, o sistema capitalista ye incapaz de guarenciar o dreito a l’ocio y ras vacancias y, en o suyo puesto, destacamos a necesidat d’una economía planificata que guarencie a ro pueblo treballador unas infrastructuras suficients pa dotar-les d’una forma dignificata de pasar as suyas vacancias y planificar o turismo de tal forma que siga gratificant y permita recuperar cuerpo y ment.

Con es treballadors en o poder, a cargo de ra suya economía planificata, s’ubre ra puerta a ra organización de ra planificación de solucions colectivas, en as cualas se guarencia a ras familias treballaderas casas de recreyo y sanatorios, como los b’heba en es países socialistas, o cualo accentúa ra importancia de ro descanso y l’ocio como elemento integral de ra suya economía y sociedat.

A luita por amplar es permisos vacacionals, por fer as vacancias mas asequibles y por puyar es salarios pa permitir un ocio suficient ye part de ra luita de clases y no puet librar-se aislatament de ra necesidat de ro derrocamiento revolucionario de ro capitalismo.

Por tanto, dexamos claro que nomás un sistema socialista puet guarenciar a dirección de ros recursos enta ro bienestar de ros treballadors, a satisfacción y extensión de ro dreito de ros treballadors a ras vacancias y l’ocio.