“Krushchev mintió”, publicato por primera vegata en 2011, ye sin duda ra obra mas emblematica de Grover Furr, profesor estatounidenco de Literatura Anglesa Medieval en a Universidat Estatal de Montclair, qui ha dedicato anyos d’investigación a ra Unión Sovietica en a era de Stalin.

Antes d’analisar o libro, ye important destacar que Furr no ye un historiador común que se basa en as narrativas dominants y ras “verdaz sagratas” de ra historiografía burchesa. A ra inversa, cuestiona cudiadosament ixas narrativas y “verdaz”, aplicando un enfoque dialectico de ra historia y buscando ros fetos reals un per un, cheneralment utilizando una enorme lista de fuents primarias y secundarias minuciosament investigatas.

En “Krushchev mintió”, o profesor Furr aborda o discurso que posiblement exerció ra mayor influencia politica en o sieglo XX. Se trata de l’infame “Discurso Secreto” pronunciato por Nikita Krushchev en o XX Congreso de ro Partito Comunista de ra Unión Sovietica. A importancia d’este discurso radica en que se convirtió en a base pa ro lanzamiento d’una enorme campanya de difamación, tanto cuentra Iossif Stalin como cuentra ra causa de ro socialismo-comunismo en cheneral.

As acusacions que Krushchev lanzó cuentra Stalin y atras figuras destacatas de ra URSS, como por exemplo, Lavrenti Beria, estioron habilment utilizatas por es cuadros burcheses d’Occident, en o contexto de ra Guerra Freda, pa desacreditar masivament o socialismo existent en o sieglo XX. Amás, meyant a polemica cuentra ro periodo “estalinista”, Krushchev y ros suyos apegallatos chustificoron una serie de decisions presas en o XX Congreso, que, en esencia, constituyioron o chiro oportunista de ro PCUS y ro posterior abandono de ra construcción socialista. Dimpués de tot, o XX Congreso de ro PCUS estió ro punto clau en a gradual trachectoria de ra URSS enta ra restauración capitalista, que se manifestó ubiertament con as revueltas cuentrarrevolucionarias de finals de ra decada de 1980.

En o suyo libro, Grover Furr examina una por una ras acusacions de Kruschev cuentra Stalin, utilizando extensa evidencia documental extraita de fuents primarias sovieticas recientment accesibles. A conclusión fundamental de ro libro ye, como minimo, impactant: garra de ras acusacions de Kruschev cuentra Stalin ye confirmata. A ra inversa, seguntes a evidencia presentata detalladament por Furr, Kruschev mintió deliberadament, de vegatas amagando fetos historicos y de vegatas distorsionando-los. «Kruschev mintió» no revela que Nikita Serguéievich simplament exacherase u terchiversase ros clamatos «crímens de Stalin», sino que Kruschev mintió aldredes, inventando narrativas falsas pa esbarrar a culpa, desacreditar as politicas “estalinistes” y consolidar o suyo propio poder. Se poderba argumentar que Furr tien prechuicios cuentra Kruschev u que intenta exonerar a Stalin de ras acusacions en a suya cuentra. Este no parexe estar o caso en este libro. Furr cita textualment es extractos de ro “Discurso Secreto” y dimpués procede a refutar es argumentos de ro líder sovietico paso a paso. Capítol a capítol, l’autor desintranya ro enreligo de mentiras de Kruschev, utilizando una amplia gama de fuents historicas, tanto rusas como occidentals. Mesmo si belún tien reservas sobre l’enfoque metodolochico de l’autor, o resultato ye realment impresionant. As prebas presentatas por Furr parexen irrefutables y ra impresión que ro lector tien ye que Nikita Kruschev estió, en efecto, un mentiroso descarato. Manimenos, no naxió mentiroso, ni revisionista, ni traidor a ra causa de ro socialismo-comunismo. Kruschev, igual que atros líders como él, estió producto d’una epoca y un proceso que merexen un estudeo encara mas profundo, pa poder extrayer conclusions relevants sobre ro pasato, ro present y ro futuro de ro movimiento comunista.

Kruschev mintió, de Grover Furr, no ye un libro mas sobre ra historia sovietica. Sin exacherar, ye talment un de ros libros mas importants de ro sieglo XXI, por a sencilla razón que cambia ra nuestra perspectiva sobre ra historia contemporania. Cuálo serba o destín de ra Unión Sovietica, ro destín de l’emerchent mundo socialista si ro Discurso Secreto nunca no s’hese pronunciato? Si ras acusacions de Kruschev cuentra Stalin no son mas que una amalgama de mentiras, alavez a percepción que nos hemos formato de ra historia de ra Unión Sovietica, asinas como de ra historia mundial de ro sieglo XX, cambia radicalment.

A demonización de Stalin y l’intento de difamar o periodo “estalinista” han estato y siguen estando l’abantguardia de l’anticomunismo internacional. O “dictador malvato y sanguinario” Stalin ha estato ro pantasma necesario pa ra imposición de ra campanya anticomunista, dende ro final de ra Segunda Guerra Mundial dica hue. Si no b’ha pantasma, ro conto de fadas s’espalda.

En definitiva, ra defensa y restauración de ra verdat historica no ye simplament un deber moral de qui la valura. Ye una fuent d’importants licions pa ro pasato, ro present y ro futuro de ra luita de clases, a luita por una sociedat millor sin a explotación de l’hombre por l’hombre.

Nikos Mottas