Contino vos dexamos con l’articlo de ro PCTG (Partido Comunista dos Traballadores da Galiza) por o día de ras “Letras Galegas 2025”.

A perdua sistematica de fablants de gallego ye una consecuencia directa de ro modo de producción capitalista. O Partito Popular y ro Partito Socialista, como chestors de ros gubiernos rechional y central (respectivament), se limitan a dinamizar a explotación que sufre ra clase treballadera baxo este sistema y asumen conscientment as consecuencias culturals que ixo implica, ya que ra prioridat en toz dos casos ye ra de mantener es dividendos de ros capitalistas. O beneficio de ra educación privata, ra precarización de ra CRTVG y ra externalización de ra suya producción audiovisual, l’abandono de ro cambo y de ra costa pesquera y ro consiguient exodo rural, de conchunta con a dinamización de ro turismo de masas, convierten as politicas de ros partitos gobernants en Galicia y Espanya en a tronata perfecta pa ra desaparición gradual de ro gallego.

A consecuencia d’estas politicas desastrosas son es resultatos de ra enquesta sobre datos y usos de ro gallego publicata por o IGE, que amuestran que ro gallego, por primera vegata, ya no ye ro idioma mayoritario en Galicia. Debant d’esto, ro Partito Popular, con l’obchectivo d’eludir a suya responsabilidat, decidió aculpar a ra clase treballadera immigrant dr to declive de l’uso de ro gallego; tratando de profundizar en a división de ra nuestra clase. No hemos de permitir que ras expresions culturals s’utilicen como arma pa dividir ra nuestra integridat como clase y ra defensa común de ros nuestros intereses. Es treballadors han de saber que ra menaza pa ro gallego no viene de ros suyos iguals, sino d’un sistema, ro capitalista, do mesmo ra cultura se convierte en una mercadería. Y dependendo de ro que cheneres, vales a pena. O Partito Comunista de Treballadors de Galicia (PCTG) no ye alleno a ra critica situación que sufre ro idoma gallego. Entendemos que ro gallego, amás d’estar o idioma vehicular d’un sector de ra nuestra clase, ye un de ros nuestros mayors patrimonios culturals; fruito de ra necesidat d’entendimiento entre ros agricultors de ro cambo y de ro mar en o contexto extractivo y de ros lugars y ciudaz vinculatos a él.

A ra suya vegata, hemos d’entender que ro capital nomás tien una cultura: a de chenerar ganancias. Es capitalistas radicados adintro y difuera de Galicia implementarán en as cuatro provincias gallegas l’uso de ro idioma que consideren que puet amillorar a posición de ras suyas inversions; como s’observa en o sector turistico con l’uso de ro espanyol u de l’anglés. Ye important sinyalar que ros capitalistas residents en Galicia con negocios en territorio gallego u en a resta d’Espanya no son capitalistas gallegos en o sentito ordinario. A suya posición ye vinculata a realizar negocios en o mayor numero de territorios posible; estando Espanya y la Unión Europea en o suyo conchunto ro suyo mercato natural. Es que un día estioron capitalistas u burcheses gallegos se negoron a limitar-se a fer negocios en Galicia pa maximizar es suyos beneficios. Es capitalistas gallegos, catalans u madrilenyos decidioron abandonar a explotación parcial de determinatos territorios, apuntando a ra explotación en tota Espanya y, por ixo, mescloron y homocheneizoron economicament, social y cultural a ra clase obrera de tot o territorio espanyol meyant o desenrollo industrial que dio a ro exodo rural y a grans fluxos migratorios internos en a Peninsula Iberica, ra definición de leis y politicas estatals comuns, a creyación de grans grupos de meyos de comunicación que operan en tota Espanya, ro desenrollo d’infrastructuras y ra libre circulación de treballadors (entre atros). Esto implica necesariament o deterioro u perdua de muitos elementos culturals singulars en toz es territorios d’Espanya. Uno d’ixos elementos ye ro luengache. Y mas concretament, a reducción de l’uso de ros idiomas menos transversals a tot o territorio espanyol en detrimento de ras mas utilizatas, como ro castellano.

Por tanto, ra situación que vive ro gallego no se puet entender atendendo solament a ras politicas lingüisticas de ro gubierno que ocupa ra Xunta, ya que ra perdua progresiva de fablants yera una constant independientment de quí ocupase ro gubierno rechional. Esto s’explica porque ro proceso de perdua de peso de ro gallego respective a ro castellano ye intimament ligato a ro modelo de producción capitalista de ro cual charrábanos anteriorment y que impulsa una homocheneización de ros mercatos y por extensión de ra cultura, incluyito ro idioma. Por tanto, a supervivencia de ro gallego ye supeditata a ro triunfo de ro socialismo-comunismo. O gallego ye decidito a desaparexer en l’actual sistema productivo, por o que nomás podrá mantener-se como idioma en un sistema socioeconomico do ros idiomas adquieran valor no nomás por o beneficio economico que cheneran u ra suya utilidat pa comunicar-se con fablants de ro mesmo idioma, sino tamién por o feto d’estar patrimonio cultural vinculato a ra idiosincrasia y a ra vida de ros pueblos que las han configurato durant sieglos.

Esta tendencia a substituyir o gallego por o castellano se veye agreviata por as politicas lingüisticas de ro PP, especialment o decreto plurilingüe. Este decreto fixa ro maximo d’ensenyanza en gallego en ESO y Primaria en o 50% (o minimo legal fixato por o decreto anterior). Amás, ordena que ra ensenyanza de rs materias STEM siga en espanyol. Encara que ra teoría charra d’una distribución igualitaria entre gallego y castellano, en a practica s’observa que ra ensenyanza se realiza mayoritariament en castellano. Esto se debe a que ro decreto establex que 29 horas s’impartan en gallego, frent a ras 39 horas impartitas en castellano y ras 16 horas correspondients a idiomas extrancheros. Este desequilibrio deberba solucionar-se con asignaturas optativas, pero ra falta de materials en gallego lo fa imposible. A plataforma Edixgal de ra Xunta, luen de solucionar esta situación, la agrevia. O feto que ras asignaturas de l’ambito cientifico y tecnolochico haigan d’impartir-se en castellano tamién limita l’uso de ro gallego y revive prechudicios que ra propia sociedat gallega yera superando.

Estas politicas de sobreprotección de ro castellano en a educación tienen como consecuencia que, en a zaguera enquesta IGE, un tierz de ros menors de 15 anyos afirma “saper charrar poco u branca gallego”. Debant d’esta situación, tota ra comunidat educativa, formata por alumnato, profesorato y ANPAS, somos obligatos a luitar por una educación publica chestionata y a ro servicio de ra clase treballadera pa guarenciar, por un costato, ra formación en l’uso de ros dos idiomas utilizatos en Galicia, pero tamién en l’adquisición d’habilidaz pa ro desenrollo de fayenas productivas y en a formación d’un alumnato con una perspectiva cultural y filosofica pa ro suyo desenrollo como individuos y part de ra sociedat. Pa aconseguir esta fin, ye necesario, entre atras cosas, acabar con o decreto plurilingüe y ra expulsión de cualsequier interpresa privata de ra educación, o que, como en muitos sectors, ye una forma d’esbarrar fondos destinatos a ra clase treballadera enta distintos sectors capitalistas, precarizando ros servicios publicos.

Tot y con a gran importancia que tien a ensenyanza en a supervivencia de ro gallego meyant a formación de Nuevos fablants, nos entivocarbanos en a nuestra analisi si reducísenos es problemas de ro gallego a ros d’una asignatura escolar u a ros de ra dimensión educativa. A supervivencia de ro gallego pasa necesariament por planificar incentivos pa ro suyo uso en contextos educativos, productivos y, mas encara, socials y mediaticos. O gubierno de ra Xunta de Galicia tien una gran implicación en o declive de l’uso de ro gallego meyant a educación y tamién meyant a mala chestión de ra CRTVG; tan criticata por a suya plantilla por a suya chestión y parcialidat en a defensa de ras posicions de ro PP. CRTVG ye ra corporación que tiena  capacidat mediatica pa impulsar enormement l’uso de ro gallego, pero ra chestión de ra canal que exerce actualment o PP la relega a ras radios y televisions dependients, a canals de baxa calidat, si charramos d’entretenimiento, y a periodicos parroquials si femos cuenta de ra dudosa etica periodistica de ra chestión de ra corporación. Part de ra estratechia de l’actual Gubierno pasa por centrar a chestión en a externalización de ra creyación de contenitos en beneficio d’interpresas de comunicación privatas d’adintro y difuera de Galicia que producen contenitos de dudoso interés cultural, social y informativo a pur d’explotar a ros treballadors de ro sector sin altas exichencias cualitativas por part de ra CRTVG, limitando ra suya capacidat de competir con atros grupos de comunicación que basan o suyo funcionamiento en l’uso d’idiomas distintos a ro gallego.

Por unatro costato, ras medidas impulsatas por a socialdemocracia en defensa de ro gallego s’han contrimostrato incapables de cambiar a tendencia de perdua de fablants, esto se debe a que garra de ras medidas cuestiona ro sistema capitalista y ra mercantilización cultural asociata a él. BNG, PSOE, Sumar, Bildu y ERC (entre atros) dicioron que quereban intervenir en l’uso masivo de ro espanyol en es contenitos de comunicación de masas y d’entretenimiento que condiciona en gran mida l’uso social d’un u unatro idioma; prencipalment entre ros chóvens. A concreción de ra referita intención se produció, en primer puesto, meyant a lei audiovisual impulsata por o PSOE; y seguindo con es acuerdos con plataformas de streaming pa ro doplache a lo gallego d’una part residual de ros suyos contenitos. Respective a ra lei audiovisual, cal destacar que en o caso concreto de ro gallego, garra canal u plataforma ye complindo con es contenitos minimos en gallego que marca ra normativa. A sola excepción ye Netflix a causa de l’alcuerdo sinyato entre ra Xunta y ra citata plataforma dentro de ra iniciativa Xabarín, por o cual a companyía se comprometeba a anyadir 70 cintas y series en gallego a l’anyo. Estas dos midas amuestran a falta de capacidat de ra socialdemocracia y de ra chestión capitalista en o suyo conchunto pa condicionar as decisions empresarials que afectan a ra sociedat y, por tanto, ra suya incapacidat pa resolver parcialment  u total a crisi que trascruza Galicia dentro de ro sistema capitalista. A presencia de ro nuestro idioma en l’ambito audiovisual y cultural no puet depender d’acuerdos con multinacionals que impliquen una transferencia de fondos publicos a mans privatas. Entre que ra cultura siga vista como una mercadería, ro idioma gallego será menazato. Nomás a construcción d’una sociedat socialista-comunista, en a cuala o pueblo participe en o desenrollo creativo de ro patrimonio cultural, puet protecher y desfender o gallego como part de ro patrimonio de tota ra clase treballadera.

Encara que ra defensa de ro gallego no influye en a luita de clases, o proceso de defensa de ros dreitos economicos y politicos de ra clase obrera, ra suya emancipación enta ro socialismo-comunismo y ra defensa de ra cultura historica de ros labradors y mariners en Galicia pasan por as mesmas fases: organización y combatividat en es puestos de treballo, centros d’estudio y vicos obrers. A supervivencia de ro gallego depende de ra implicación en o suyo uso, de ra consciencia de clase y de ra luita de ro nuestro pueblo día con atro. O gallego ye fruito de ra voluntad de socialización de ro proletariato y, por tanto, ye patrimonio de tota ra clase obrera. Por tanto, corresponde a ra clase en o suyo conchunto luitar por:

1. Un plan estructural pa ro fomento de l’uso de ro gallego, que tien como elementos fundamentals una CRTVG y una ensenyanza publica, gratuita y puntera en es suyos ambitos, de calidat y a ro servicio de ra clase treballadera, en a cuala ro alumnato adquiera competencias basicas en castellano y gallego y en a cuala ro idioma gallego s’amuestre como un idioma vivo, valido pa ra comunicación y ra expresión en cualsequier ambito.
2. A construcción de ro socialismo-comunismo. Un contexto en o cual totas as personas puedan implicar-se en a conservación de ras expresions culturals progresistas, y por tanto, en a defensa de ras luengas charratas en tota Espanya como part fundamental de ro patrimonio cultural de ra nuestra clase.