Tot o mundo “progresista” delira por a muerte de ro Papa Francisco. O “Papa de ros Pobres”, como se le conoxeba, dexa este mundo elochiato por as suyas posturas a favor de ros migrants y refuchiatos, cuentra ra “desigualdat social” y por a “defensa de ra paz”.

Pro que lo cierto ye que Francisco estió triato por a Ilesia Catolica Romana en un momento en que ro Vaticano se vieba afectato por a revelación d’escandalos de pederastia, malversación de fondos y corrupción.

Estos escandalos, que ros suyos prencipals protagonistas yeran cardenals d’alto rango, yeran conoxitos por l’anterior Papa, Benedicto XVI, ro clamato “Rottweiler”, qui renunció precipitadament a ros 85 anyos debant de ro peso de ras revelacions. Francisco, qui lo succedió, proclamó ra “purificación”, a “modernización” y, en zaguera instancia, ra renovación de ra poderosa Ilesia, con o refirme de centros economicos, relichiosos y cheopoliticos.

Cal destacar que ro Vaticano no nomás ye ra siede de ro catolicismo, sino tamién un poderoso centro de toma de decisions con influencia global en es escaximientos. A elección de Francisco, con o perfil “humano” que estió labrato pa él, sirvió como ra coartada perfecta pa ras atrocidaz de ra hierarquía catolica romana, asinas como un de ros muitos lavadors de ros crímens de l’imperialismo, que continan sin cesar, con o refirme y ra tolerancia de totas as suyas institucions politicas y relichiosas.

rizospastis.gr