Felipe Gonzalo, vive en o polido lugar de Daroca, redolada d’o Xiloca, un riu que vertebra una tierra talment poca conoixida en a resta d’Aragón. Por eixemplo, estió una zona de vins, y fa unos pocos anyos emprendió a faena de revilcar vinyeros a punto de desapareixer. Con l’aduya d’una colla de chent que bi viene de diferents lugars. Con treballo e ilusión. Una redolada, como unas atras, interprovincial, an no bi ha una separación administrativa sino una continuidat con o riu.

Cuan escomencipia iste prochecto y como se t’ocurrió a ideya?

Surche d’una charrada de Juanma Gonzalvo* al esplanicar-le-ne a recesión d’o vinyero en o paisache, pa que podese entender por que encara tenendo unas instalacions en a cooperativa que permiten replegar dica dotse millons de kilos, agora no se plega ni a una
tercera parti.*L’enologo d’a cooperativa.

Que pensaba a chent d’ixo d’ir a treballar vinyeros albandonaus y en un sector de cantimbás e a redolada?

Sospresa y encara refús por parti de bells sectors. Atros en cambio amostroron o suyo intrés y refirme en mirar de preservar un cautivo con una gran tradicion en a redolada.

Pensabas que iba a tener ixa aceptacion de que bi venise chent de difuera d’a redolada?

Ahí he siu o primer sosprendiu. No pensé que isto podese ser de intrés difuera d’a redolada. Asperaba un mayor refirme dentro y no pas difuera.

Encara que bi ha actividaz ubiertas a os socios, ¿cal fer un poder ir en hibierno a treballar a tierra digamos o nuclio cerenyo?

Pa yo ye un hobby. No he de fer un poder ya que en vamos ratos, pero si cal fer un poder por l’obligatoriedat y esclavache que suposa tres meses condicionando o tiempo libre d’o cabo de semana pa ello.

Cómo puede una persona fer-se socia?

Comunicar-lo a cualsiquier padrino o chestor d’o prochecto y satisfendo a conduta anual.

Con qué alentarías a a chent a refirmar iste prochecto?

Con a ilusion de mantener un cautivo tradicional y a suya impronta en o paisache. Femos un poder pa que o padrino se sienta altament recompensau por a suya condicion de socio. Vin, presents, actividaz…

Qué actividaz de promoción se realizan antiparti d’as merament agricolas?

Contrimuestras de vins, presencia en retes socials, meyos de comunicación, prensa…Mos fería goi de fer un documental.

Bi ha un esdevenidero pa o vin en o Xiloca?

Ixa ye a rematanza d’as chornadas d’o vin d’o Xiloca que impulsamos… actualment bi ́n ha mas de diez bodegas u elaboradors que apostan por o Xiloca.

Qué variedaz d’uva son as mas representativas?

A garnacha en tinto y a macabeu** en blanco, pero antis os vinyeros yeran multivarietals; provechon, negralexo, cribatenaja…
** Nombre local Blanca de Daroca.

Cuántas hectarias y producción en plegó a haber-ie?

Creyemos que o Xiloca meyo yera capaz de producir más de 25 millons de kilos.

Que caracteristicas tienen os vins d’o Xiloca?

A frescor de l’altitut y l’equilibrio d’os suelos y d’un manello tradicional d’o cautivo.

Daroca ha teniu un important declive demografico igual que a resta d’a redolada, s’ha estabilizau? bi ha perspectiva de medro de población?

Lamentablement ye una reyalidat compleixa d ́abordar y de dificil recesion.

Ye suficientement explotau l’afer turistico? Con atractivos como a propia Daroca u a lacuna de Gallocanta. Bi ha interconexión entre ellos?

Cal continar apostando por o turismo. L’estratechia turistica ye capaz de conchugar a totalidat de recursos existents. Hemos d’amillorar a visibilidat.

En qué aduyaría a reapertura d’o tren Calatayub-Caminreyal trancau en 1984?

Actualment l’antigo trazau se ha convertiu en un camin natural (via verda), que ha de ser un foco d’atracción mas a o turismo. Si no hese desaparexiu ye seguro que continaría siendo un elemento vertebrador d’a redolada, asinas como un elemento estratechico pa o suyo desenrollo.

A estacion de tren de Daroca quasi puet-estar una metafora d’o que hemos veniu charrando.

Cal veyer as oportunidaz que ufren ista mena d’edificios tal y como han feito en atros trazaus trancaus.

Qué suposo que l’autovía mudechar se chirase de Daroca?

Jose Luis Corral ementa a os cinco ditals estranguladors de Daroca y sin dubda, chirar o trazau estio un impacto muito important tal y como puede veyer-se en as raquias tras vente anyos.

Bi ha prochecto clamau Muga Xublidada, en qué consiste?

Ye un prochecto ilusionant que pretende ser una clamada d ́atencion sobre a situación limite que vive a redolada. Pretende reivindicar o territorio y a necesidat de refirme institucional y social que permita a suya procheccion.

Bella cosa que quieras adibir?

Agradeixer o interés en os diferents prochectos d’una redolada que luita por a suya supervivencia.

Muitas gracias por o tuyo tiempo.

Alejandro García