O Gubierno d’Aragón, presidito por Jorge Azcón asentó ra suya campanya en o Plan Pirineus, una serie de propuestas e inversions que, chunto a ros diners de ra Unión Europea, prometen fer fluyir l’economia de ra redolata de ras estacions d’esquí y ras vals pirenaicas.

L’alcalde de Pandicosa, Jesús María Uriz siempre ha meso ra suya corporación municipal baxo mando de ro Gubierno d’Aragón de ro PP y b’ha prochectos activos proposatos pa ro lugar pirenaico, como un esbarizaculos de 3 km que costará mas de 6 millons d’euros y ro ya escartato prochecto d’un cambo de golf en O Pueyo de Tena. Tot esto pretende empentar a desestacionalización de ro turismo y atrayer más visitants en es meses de temporata baxa.

Recientement, a Plataforma en Defensa de ras Montanyas d’Aragón denunció en retes socials a preocupación dentre ros vecins de ro lugar por l’adaptación d’uno de ros edificios historicos de Pandicosa de principios de ro sieglo XX pa usos turisticos. Esta preocupación amanexeba en un escrito firmato por 285 personas que se presentó en o concello y que defendeba adaptar as instalacións y fer un Centro de Día o una residencia de ra 3ª edat, pos o centro más cercano a ro lugar se troba en Biescas, a 15 minutos por carretera de Pandicosa.

O plan inicial de ro concello yera ra transformación de ro immueble pa ofrexer viviendas de loguero social, que permitan a ros treballadors que van ta ro lugar en es meses de temporata alta trobar aloxamiento a precios asequibles, pos es precios de loguero s’han disparato en es zaguers anyos. Beluno de ros chovens pandicutos encaran con incertidumbre o futuro, por una parti por a falta de servicios basicos como ra sanidat y por as dificultaz pa tener acceso a ra vivienda, y por autra por a unidireccionalidat por parti de l’administración, que fa de ro turismo ra unica opción economica de ra val. “Si bien una residencia para la tercera edad prestaría un servicio a la comunidad, ya existen programas de ayuda a las personas mayores desde la Comarca del Alto Gállego, y no hay más que 3 o 4 ancianos panticutos en residencias en este momento. La vivienda es una necesidad principal para los vecinos del pueblo, especialmente para la gente joven, y no vemos que existan iniciativas útiles desde el ayuntamiento en cuestión de vivienda. Queremos vivir en nuestro pueblo”, nos deciba uno de ros vecins con qui hemos charrato, y anyadeba que ros diners pa ras obras de ro edificio histórico veniban de ro departamento de turismo de ro Gubierno d’Aragón, y que por esto a suya funcionalidat tien que estar unita a este sector.

D’esta traza, una de ras vals que durant as zagueras decadas heba conseguito fuyir de ra despoblación masiva que sufren as vals vecinas, guipa un futuro inseguro y con desconfianza enta ras politicas municipals y autonomicas de ra dreita espanyola.

Un grupo de chóvens de Pandicosa