A “Redolada ribagorzana” d’a organización Tronada, fa la suya presentación o vinient viernes 25 d’otubre con una Festa bien retona aón se podrán veyer os grupos que más espuntan actualment de cada chenero mosical en Aragón.

A polida plaza de Graus será l’escenario d’un festival “per una chusticia pa Ribagorza y Aragón.”

A chornada encomenzará de tardes con La Ronda de Boltaña a las 20h.

D’o folk sobrarbense se i pasará ta lo rap de La cara B de Uesca a las 22:15h. A colla de raperos con radices en Binéfar y Samianigo torna ta los escenarios con a saber de conciertos este Otubre.

A las 00:15h puyarán ta l’escenario chugando en casa suya, Au d’astí con o suyo Rock trabucaire.

Pa rematar a festa i estará dende Uesca DJ Gilahz dende las 2:00h dica zarrar.

Tot ixo pa celebrar y reivindicar una sanidat, educación y vivienda digna, amás d’as luengas y cultura aragonesa y lo dreito de vivir aquí.

Lo vinient viernes en Graus se va a sentir tronar.