O Diccionario Aragonés-Castellano-Catalán (DACC) , desenrollato per l’Estudio de Filolochía Aragonesa, ya se troba disponible en linia, facilitando l’acceso a una valuosa ferramienta pa quí quieran conoxer y profundir en l’aragonés. Esta edición de ro diccionario incorpora como gran novedat a utilización de ra norma ortografica oficial establita per l’Academia Aragonesa de ra Lengua, lo que represienta una abanza important en a normalización y standardización de l’aragonés.

O DACC no nomás se distingue per a suya riguridat lingüistica, sino tamién per a suya amplitut, ya que conta con mas de 40.000 exemplos d’uso que permiten contextualitzar millor cada dentrata, ofrindo una ferramienta útil tanto pa l’aprendizache como pa ra investigación lingüistica. Estes exemplos aduyan a ros usuarios a entender como utilizar es termins en diferents contextos, enriquexen asinas a conoxencia de l’aragonés y ra suya relación con o castellano y ro catalán.

Amás d’estar un recurso lingüistico, ro diccionario tien una valura cultural inestimable, ya que contribuye a ra preservación y ra difusión d’un idioma minorizato y minoritario que forma parti de ro patrimonio lingüistico d’Aragón. Disponible en linia, ro DACC ofrex acceso gratuito, facilitando que fablants nativos, estudiants y curiosos puedan explorar a riqueza de l’aragonés en combinación con es dos atros idiomas d’Aragón.

Con a publicación d’este diccionario en linia, s’aspera fomentar un mayor interés y uso de l’aragonés, promovendo ra suya conservación y revitalización.

Puez descargar-lo aquí: http://academiadelaragones.org/biblio/EDACAR14DACC.pdf