Anueit, a sala Deskomunal de Barcelona vibró con una enerchía especial durant o concierto d’”Au d’astí”, una de ras bandas mas emblematicas de ro panorama folk aragonés. No fue nomás una nueit de mosica, sino una trobata de personas que sienten a mosica como una forma de reivindicación y identidat.

A ra meya ta ras diez con o primer acuerde, ra sala, repleta d’asistents, s’embolicó en as notas d’”Au d’astí”, que ofrió una mescla de sons tradicionals  combinatos con influencias modernas. A voz de ro cantaire, clara y penetrant, interpretó belas de ras cancions mas conoxitas de ro suyo repertorio, que cobran una vida especial cuan son tocatas en directo.

Un de ros temas mas aclamatos estió “Olvidar”, que, con as suyas letras poeticas y ra suya melodía que embolica, connectó fundament a ros mosicos con o publico. Manimenos, o momento mas emotivo de ra nueit plegó cuan interpretoron “Puya”, una pieza que honra as radices y l’argüelo per a tierra. Tot o publico, con es punyos alteros, acompanyaba ro ritmo de ra mosica, creando un ambient unico de comunidat.

No faltoron mencions especials pa reivindicar a luita per a preservación de l’aragonés u ra solidaridat con Palestina asinas como los agradeximientos a l’acullita catalana y a ros desplazatos de propio dende Ribagorza.

Encara tremolando per a fuerza de ros bises, o publico se marchó recordando per qué “Au d’astí” ye una de ras bandas que millor replega o sentir popular. Un concierto con alma, con amor per o propio y una enerchía aplegadiza.