As tres capitals de provincia han viviu como las suyas carreras se tintaban de verde pa esfender a ensinyanza publica en cuentra d’os zaguers recortes d’o gubierno.

En Zaragoza, más de 1.500 personas han saliu por “o caos” d’este prencipio de curso escolar en un recorriu dica la siede d’a DChA.

En Uesca yeran 350 personas y en Teruel 70 en a mobilización con a mesma fin.

Os prencipals sindicatos fación clamamiento por os recortes y l’impovisación en a contratación de mayestros pa lo curso que agora ha encomenzau.

D’esta traza torna a enchegar-se a flama d’a conoixida marea verde que tantisma fuerza fació en l’atra decada dimpués d’os recortes d’a crisis economica y d’a nueva lei d’educación

A consellera d’educacion, Tomasa Hernández ha dito que respeta a mobilización pero contina negando que haiga “improvisación” en a chestión, afirmando que nomás son casos puntuals.