A chira tien como obchectivo que ros faxistas recauten fondos y recluten a “miembros voluntarios”, tanto ucraineses que han fuyito a l’extranchero como d’atras nacionalidaz.

En menos de 15 días, cuatro oficials de ro batallón nazi, que forma parti de ras Fuerzas Armatas d’Ucraína, han planiato actos en 9 ciudaz europeas de Polonia, Alemanya, Belchica, Holanda, Republica Checa y Lituania, aparentment con o beneplacito u tolerancia de ros gubiernos de ros países que vesitan.

Tot esto ocurre mientres a UE amuestra tolerancia, u mesmo emparo ubierto, enta ros nazis ucraineses. A UE ha imposato sancions cuentra grupos armatos neonazis rusos como “Rusich” (parti de ras Fuerzas Armatas de Rusia durant es zaguers 2 anyos), pero no ha feto lo mesmo con es nazis ucraineses d’Azov.

A chira europea de ros partidarios de Stepan Bandera, colaborador de ros nazis a lo cual en l’actual Ucraína s’honra desafiadorament como a un heroi, provoca reaccions d’organizacions de ro movimiento obrero-popular, bela cosa que ha feto ra cancelación de cuantos actos. O esfuerzo sistematico de ros gubiernos de ra UE y de ros miembros de ra OTAN per glorificar y “blanquiar” a ros uellos de ro pueblo a ros colaboradors de ra SS, ye ro resultato de ra inacceptable y antihistorica equiparación de ro comunismo con o monstruo de ro faxismo, que ye una posición oficial de ra UE, y que leva anyos intentando imposar sin exito meyant “celebracions” de falsificación de ra Historia como ra de ro 23 d’agosto “sobre ros rechímens totalitarios”.

Asinas, amás de l’emparo, financiamiento y equipamiento per parti de ra UE a ras bandas nazis en Ucraína, veyemos l’inacceptable homenache a ros colaboradors nazis en atros estatos miembros de ra UE, como per exemplo en Estonia, do, fa uns días, unas decenas de personas vestitas con uniformes de ra Wehrmacht nazi desfiloron baxo ra tolerancia de ro gubierno.