A Penya L’Albaca Reberde ye una penya autochestionata que dende 2016 ofrex una programación alternativa pa desfrutar d’unas fiestas de Sant Lorient populars, reivindicativas y inclusivas.

A programación d’este Sant Lorient 2024 escomencipia ro día 9 con a salita en a tradicional cabalgata, acompanyata de ra charanga Destalentaus.

O día 10 escaicirá ro famoso Pasabars a partir de ras 19.00 horas, amenizato per a charanga de ro barranquet “El Pincho”.

Es días 11 y 12 escaicirá en o Parque Universidat as Reberde Fest:

O día 11 ubrirá ra sesión o zaragozano Eli Fernández,  seguita de ro rap de pueblo de ra cara b de Uesca pa rematar con a sensibilidat de ro grupo de Navarra Hirunaka.

O día 12 escomencipiará con a rapera Lassi.O, seguita de ra mosica con arradigo y argüello de Francho Sarrablo, pa rematar con a banda uescana Lo “Salvaje” que nos adeleitaran con versions d’Amaral.

Pa ros y ras mas chiquez de ra casa, o Bolo encierro de ro 13 d’agosto ye ra suya cita. Saldrán de ra carrera Zarandia y descenderán a tota velocidat per as carreras de ro barriviello dica rematar en o Parque Universidat, do amenizarán a veilata con mosica pa tota ra familia.

Finalment, o día 14 y como novedat, este anyo han organizato un almuerzo popular chunto a ra Penya “Los 30”, con concurso de guinyote, bingo musical y muitas mas sorpresas. Dende ras 10h en Parque Universidat.

A Penya L’Albaca Reberde ye una penya autochestionata, que se financia con as cuotas de ras soci@s y de ras actividaz que se realizan.

Tota aquella persona que lo deseye podrá apuntar-se dica ro 8 d’agosto en a caseta disposata a tal efecto en es Porches de Galicia, y tamién es días 11 y 12 durant as Reberde Fest.