Como ro dreito a treballar, o dreito a descansar, as vacacions y l’ocio ye un dreito social, estreitament connectatos a ro dreito a ra salut, ya que treballo, descanso y recreo son factors d’importancia fundamental pa ra reposición de nomás una parti de ra fuerza de treballo consumito per es treballadors a traviés de ra suya explotación brutal per es interpresarios asinas como pa ro suyo equilibrio psico-fisico.
Mesmo cuán o dreito a ro descanso ye formalment per lei, ro capitalismo restrinche y mesmo impide ro suyo exercicio de cuantas trazas, prencipalment a traviés de ra ampliación no remunerata de ra chornata laboral i de ra vida laboral, o treballo flexible y ra ordenación de ro tiempo de treballo.
Es organismos de ra UE tienen una seriosa responsabilidat pa restrinchir u impedir o dreito a ro tiempo libre. A directiva 2003/88/EC, ha elevato ra duración mediana maxima de ra semana laborable en países miembro de 40 a 48 horas, pero ros lobbys burcheses y ros sectors de ro capital son empochicando per mayors extensions u, mesmo, per una liberalización completa de ra chonata laborabl. A edat de chubilación ye ascendiendo en churisdiccions diferents, tamién baxo ra dirección de ra Comisión Europea. As normativas y directrices de ra UE dexan alcuerdos de negociación atipicos que pueden preveyer un horario flexible seguntes as necesidaz de producción de ros duenyos empresarials dica 12 días continuatos sin días libres, sin incrementos salarials per treballo nocturno u festivo, sin vacacions remuneratas y, a ormino, sin baxa laboral remunerata, una semana laboral de seis días y ra supresión de ro festivo dominical. A politica de baxos salarios y pensions, as retalladas u ra supresión de ro subsidio de vacacions impulsata con fuerza per es organismos de ra UE y ros gubiernos en o nombre de ra estabilidat monetaria y presupuestaria, de conchunta con as retalladas en servicios u ra suya privatización-comercialización en o nombre de ra reducción de ro gasto publico, contribuye a a disminuyir es ingresos de qué disposan es treballadors per destinar-los a vacacions cualificatas, practicament anulando u restrinchindo drasticament o dreito a ro descanso de ra mayoría de ra clase treballadera.
O capitalismo ha transformato ro dreito de descansar en una mercadería cara, en un privilechio nomás pa qui tien ingresos suficients tanto per pasar as suyas vacacions d’una manera saludable y cualificata, como per acceder a ro esporte, ra cultura y atras actividaz recreativas. A lechislación de ra UE fomenta ra tendencia de ro capital a concentrar-se en actividaz empresarials tan rendables como ra industria de ro turismo y l’ocio, y ra suya centralización en mans de pocos monopolios d’este sector, como grans operadors turisticos, cadenas d’hotels y restaurants, companyías aerias y navieras, con a consiguient formación de pres monopolisticos elevatos, mientres que ros salarios de ros emplegatos de ro sector turistico, tot y con a suya rendabilidat alta, se troban entre los mas baxos, a suya fayena entre las mas inseguras, y ra cantidat y ras condicions de ra suya chornata laboral entre las mas agotaderas. O resultato ye ra privación de servicios turisticos de cualidat pa ra mayoría de ra clase obrera, per un costato y ra expulsión de ro mercato y ra proletarización de ros chicoz autonomos de ro sector turistico y de ra hosteleria, de l’autro.
Socialismo, per exemplo en a URSS, tenió una aproximación diametralment opuesta en este afer. A chornata laboral de 8 horas estió establita per decreto ro 11 de noviembre de 1917, nomás 4 días dimpués de ra presa de poder per es Bolxeviques. O poder sovietico, pa afavorir o desenrollo multilateral, material y espiritual de ra personalidat de ros treballadors, s’ocupaba de reducir o tiempo de treballo per augmentar a cantidat y ra cualidat de ro tiempo libre. O dreito de descansar, per primera vegata en a historia, estió establito per a denominata Constitución de ra URSS de 1936 de “Stalin”, l’articlo 119 declaró: “Es ciudadans de ra URSS tienen dreito a ro descanso. O dreito a ro descanso está guarenciato per a reducción de ra chornata de ra gran mayoría de ros treballadors dica 7 horas, meyant o establimiento de vacacions anyals remuneratas pa ros treballadors, per a dotación d’un amplo ret de sanatorios, casas de vacacions y clubs pa ro servicio de ros treballadors”. A Constitución sovietica indicaba expresament como fer efectivo y concreto ro dreito a ro descanso meyant un amplo ret d’instalacions que ofriba un conchunto completo de servicios, dende l’aloch dica ras comitas, dende programas recreativos, culturals y esportivos dica l’asistencia sanitaria, ra rehabilitación y ros tractamientos balnearios. Amás, pa ros veteranos y ros “treballadors d’asalto”, l’uso d’estas instalacions yera de baldes, mientres que pa ra resta de treballadors ros sindicatos cubriban entre ro 50% y ro 80% de ros costos relacionatos con as vacacions.
Conscients que, en o contexto de ro capitalismo, cualsequiera prefaición obrera nunca ye definitiva, sino que puede estar anulato siempre que cambie ra correlación de fuerzas entre ras clases y que nomás a presa revolucionaria de ro poder politico y ra suya retención per parti de ro proletariato fan que fan irreversibles es dreitos economicos y socials adquiritos, es partitos de l’Acción Comunista Europea desarrollan accions en es puestos de treballo pa organizar a luita de ros treballadors de ro sector turistico y de ra hosteleria y pa formular reivindicacions militants. Tamién expresan a suya solidaridat con es treballadors, clamando-los a luitar per aconseguir o suyo dreito a un descanso cualificato y a unas vacacions, per:
- a reducción de chornata con un mesmo salario;
- a reducción de ra edat de chubilación;
- augmentos substancials de ros salarios y ras pensions y ra suya indexación a ro costo de ra vida, pa ras vacacions guarenciatas;
- A creyación de ras condicions materials pa l’exercicio de ro dreito a ras vacancias, o descanso y ro recreo meyant a prestación per parti de ro Estato d’instalacions y servicios publicos espectificos d’aloch, sanidad-rehabiliación, culturals, recreativos y esportivos pa ros treballadors y ras suyas familias, en confrontación con a politica de retalladas, d’estalbio de ro gasto publico y ra rigor presupuestaria acazata dica agora per a UE y ros gubiernos burcheses de ros Estatos miembros.
A fayena de ros comunistas ye luitar en l’avantguardia de ra luita de ra clase obrera per as vacacions, que ye un dreito universal de ro pueblo y no un privilechio d’uns pocos, y asegurar es dreitos de ros treballadors en o sector turistico y de ra hosteleria. A perspectiva a favor de ros intereses de ros treballadors y de ro pueblo rade en a luita per o poder obrero, per una economía de planificación centralizata, per o socialismo, per a transformación de toz es grans establimientos hotelers y turisticos en propiedad social, per una vida con dreitos contemporanios de treballo, ocio y recreo, vacacions, salut, etc.
Leave a Reply