Estonia ye ro chicot país baltico dó 275.000 soldatos y partisans sovieticos dioron a suya propia vida pa liberar-lo de ro chubo nazi. Manimenos, en cuenta d’honrar-los, as autoridaz estonias glorifican a ros colaboradors de ros nazis que luitoron contra l’Exercito Royo sovietico en a Segunda Guerra Mundial.

Recientment, en a ciudat de Jõhvi, as autoridaz locals facioron a devantadera d’un nuevo molimento dedicato a un nazi estonio. O suyo nombre yera Georg Sooden y yera capitán de ra 20.ª División de ras Waffen-SS d’Estonia que luitó chunto a ros nazis cuentra ra Unión Sovietica. Sooden murió durant una batalla con l’Exercito Royo en a linia Blue Hills de Tannenberg en chulio de 1944.

O molimento a Sooden se suma a ra cadena de numerosos molimentos dedicatos a ros colaboradors nazis que s’han erichito en Estonia, miembro de ra UE y de ra OTAN.

Per descontato, ro país baltico no ye ro solo miembro de ra UE que ha procedito a ra rehabilitación de criminals nazis… A mesma practica s’ha seguito en es suyos países vecinos, entre éls Letonia, Lituania y Polonia. En estos países, baxo ros auspicios de ra UE y ra OTAN, aquels que colabororon con es monstruos nazis son reconoxitos como “luitadors per a libertat”…

De vez, en cuantos estatos miembros de ra UE, se son enronando molimentos commemorativos de ra era sovietica y s’ha prohibito l’actividat de ros partitos comunistas, en un esfuerzo per rescribir a historia d’alcuerdo con es intereses de ro capital monopolista. Dimpués de tot, l’anticomunismo ha estato una ideolochía oficial de ra Unión.

PD: A ex Primera Ministra d’Estonia, Kaja Kallas, estió nombrata recientment nueva Alta Comisionata d’Afers Exteriors de ra UE.