Reproducimos contino ro comunicato de l’aria d’ensinyanza de ro sindicato SOA:

Dende fa cuatro anyos consecutivos o profesorato d’Educación Secundaria de Luenga Aragonesa no puede acceder a ro primer acto d’eslección como ra resta de listas y especialidaz. Deberán, altalle, asperar un anyo mas a ro segundo acto, reservato a plazas de substitución y a ras ampliacions residuals que se puedan dar durant o verano.

Esta aspera fa que qui opten a ixas plazas deban, en primer puesto, priorizar atras listas en o primer acto d’eslección, a fin d’asegurar-se l’emplego. Dato que s’asperan a ro segundo acto dengún les asegura que, per un costato, ras plazas vaigan a salir y, d’atra part, sían adchudicatos en as mesmas.

Esto provoca que ras plazas en este segundo acto, muito posiblement tornen a quedar desiertas en a suya mayoría, como en o curso pasato.

Dende l’Aria d’Ensinyanza de SOA denunciamos publicament esta situación, son ya 4 anyos con cuantos gubiernos distintos en es cuals se da esta situación. Dengún ye fendo cosa a ro respective. Es dreitos lingüisticos d’estos alumnos no contan pa ra DCA sía cuál sía ro partito que gubierne. Ni per lo que parexe pa garra sindicato con presencia en es organos de representación de ro personal docent no universitario.