O Frent Militant de Toz es Treballadors (PAME) sobre l’intento de ro Gubierno griego d’imposar una semana laboral de seis días

O Primer Ministro amanexió como una versión moderna de María Antonieta en o Ministerio de Treballo. Reconoxió que ros treballadors piden pan y suchirió “pastel”.

Qué mas se puede suposar cuan s’ascuita a ro sinyor Mitsotakis prometer abordar o desemplego chuvenil mantenendo a ros pensionistas en o treballo dica ra viellera a causa de ras suyas pensions de fambre? Que abordará ro desemplego chuvenil y femenino, no reducindo ra chornada laboral de qui ya son treballando, sino aumentando ra suya chornada laboral de 9 a 13 horas diarias sobre ra base de leis anteriors. En particular, a recient circular que elimina ro descanso y ra preparación de ros treballadors de ro treballo de ro “tiempo productivo”, atorga tiempo adicional no remunerato a ros emplegadors. En efecto, un emplegato treballará de 9 a 10,30 horas pero cobrará per 8. Y tot y con tota esta miseria, ro Primer Ministro tien l’audacia de clamar-lo progreso, afirmando que aumentará ros ingresos de ros treballadors.

En o que realment estió sincero Mitsotakis estió en que confesó que vinió a ro Ministerio de Treballo pa anunciar a implementación de ra tarcheta electronica de treballo en función de ras necesidaz de ros grans emplegadors. Esto significa eliminar a flexibilidat y fragmentar es dreitos de ros treballadors. A despreciable circular sobre ra tarcheta de treballo dichital aplana ro camín en esta dirección.

O sinyor Mitsotakis nos ha contrimostrato una vegata mas con as suyas parolas que ye ignorando ras demandas de cientos de sindicatos, milars de treballadors y pensionistas d’aumentos substancials de salarios y pensions. Ignora ras exichencias que se restablexca l’aplicación obligatoria de ros convenios colectivos, de ro restablimiento de ra prestación trienal y de medidas pa protecher a salut y ra seguranza en o treballo.

Ha contrimostrato una vegata mas que ye complindo ras órdens de ra patronal, de ros grans grupos empresarials. En resumen, Mitsotakis ninvió un mensache a ros interpresarios que ro gubierno y ra nueva dirección de ro Ministerio de Treballo procederán con a imposición de 6 días laborals a ra semana, l’aumento de ros limites de chubilación, l’aumento de ro treballo no remunerato y de ras horas extras no remuneratas.

De feto, en a reunión posterior entre representants de ro Ministerio y ro miembro de GSEE-CES en Grecia, ro Ministro de Treballo no pidió retirar immediatament a despreciable circular, sino nomás celebrar seminarios sobre ra suya implementación!

Nomás o representant de ro PAME plantió este tema y exichió ro retiro de ra medida.

Clamamos a toz es sindicatos, a ras Centrals Sindicals Rechionals y a ras Federacions a continar con encara mayor militancia ra luita pa privar que ra semana laboral de 6 días y ro treballo no remunerato s’implementen en cualsequier puesto y en cualsequier puesto.

Ya b’ha sindicatos y puestos de treballo que l’han aconseguito, han convertito estas leis antiobreras en letras en blanco.