Con motivo de ro 50 aniversario de ro dople crimen de ro golpe d’Estato y ra invasión turca, ro Secretario Cheneral de ra FSM ninvió un mensache de solidaridat y emparo a ra Federación Sindical Panchipriota, dirichindo-se a ra clase obrera de Chipre, expresando l’emparo y ra solidaridat de ra FSM enta ro pueblo chipriota en a suya luita per a liberación y ra reunificación de ra suya isla:

Con motivo de ro fosco 50º aniversario de ro dople crimen de ro golpe d’Estato y ra invasión turca, ra Federación Sindical Mundial expresa una vegata mas a suya increbantable solidaridat con a luita de ro pueblo y ra clase obrera de Chipre per a solución de ro problema de Chipre y ra liberación y reunificación de ra isla.

O golpe d’Estato cuentra ro gubierno electo de ro president Makarios o 15 de chulio de 1974 y ra posterior invasión de Turquía ro 20 de chulio estioron una trachedia sin precedents pa ro pueblo de Chipre, con cientos de milars de refuchiatos, milars de muertos y desaparexitos, a ocupación contina de ro 37% de ra isla y ra división de ro país y de ro pueblo de Chipre. Tanto ra OTAN como Estatos Unitos tienen una enorme responsabilidat per a situación creata, ya que ra trachedia a costa de ro pueblo chipriota estió ro resultato de ros suyos plans imperialistas mas amplios pa ra rechión de ro Mediterranio oriental.

En esta conchuntura critica, a FSM considera necesario enfatizar que ro esfuerzo pa revertir ro perigloso y fráchil status quo actual en Chipre ye d’immensa importancia. Un problema chipriota sin resolver no aporta garra beneficio a totas dos comunidaz, que siguen sufrindo ra división de ra suya patria común.

A FSM subraya ra necesidat d’una solución de ro problema de Chipre en o marco de ras Nacions Unitas, respective a ros prencipios de ro Dreito Internacional y ros Dreitos Humans; aconseguir una solución basata en as resolucions de ras Nacions Unitas relativas a Chipre, que presuposan a creyación d’un estato federal bicomunal y bizonal con igualdat politica de ras dos comunidaz, tal como s’establex en a Decisión pertinent de ras Nacions Unidas, con sobiranía unica, una personalidat internacional y ciudadanía unica.

Ha d’estar una solución que preveiga ra retirada de totas as tropas extrancheras, a fin de ra división y ra reunificación de ra isla y que sirva debant de tot a ros intereses de ros propios chipriotas, griegos y turcos chipriotas. Una solución pacifica y integral a ro problema de Chipre contribuyirá positivament a ra desmilitarización, a consolidación de ra paz y ra prosperidat pa toz es pueblos de ra rechión de ro Mediterranio Oriental y Oriente Medio.

Amás, a FSM empara as luitas socials y de clase de ros treballadors de Chipre, grecochipriotas y turcochipriotas, cuentra ros ataques y en esfensa de ros suyos dreitos laborals, per a paz, a prosperidat y ra chusticia social.

A FSM ye firme y constantment de ro costato de ro pueblo chipriota y aculle con implaz as luitas continas y ros esfuerzos conchuntos de ros suyos afiliatos grecochipriotas y turcochipriotas pa resolver o problema de Chipre y reunificar a isla, y asegurar-les que siempre pueden confiar en o gubierno internacionalista y solidaridat de ro movimiento sindical de clase mundial.

Pambis Kyritsis

Secretario Cheneral de ra FSM