Ursula Von der Leyen estió eslechita presidenta de ra Comisión Europea, dimpués d’una votación celebrata ahiere, chueus 18 de chulio de 2024, en o pleno de ro Parlamento Europeu en Estrasburgo.

A suya reelección contó con l’emparo de ro Partito Popular Europeu (PPE), ros socialdemocratas (S&D) y ros liberals, pero tamién de fuerzas politicas verdas y d’extrema dreita. En total recibió 401 votos positivos, 284 en cuentra y 55 abstencions.

A suya reelección confirma ros “negocios” entre ros gubiernos burcheses de ra UE -conservadors, socialdemocratas y d’extrema dreita- pa ro reparto de posicions en es organos de l’edificio de l’alianza imperialista de ra UE.

Con as periglosas directriz de ro suyo nuevo mandato que von der Leyen presentó ahiere a ro Parlamento Europeu enmeyo de crexents rivalidaz imperialistas entre ra UE y atros centros, asinas como ra intensidat de ra oposición dentro d’ella, sinyala:

– a intensificación de ra politica antipopular de ra UE y de ros monopolios sellatos per una participación militar encara mayor de ra UE, ra reconoxencia de ra OTAN como “prencipal pilar de defensa”, ra suya transición a una “economía de guerra”, ro clamato Mercato Unico de “Defensa” y “escudo aerio” destinatos a ro predominio de ro cambo euroatlantico sobre ra Rusia capitalista en a guerra imperialista en Ucraína. Una caracteristica de ra posición de ra UE ye ra resolución que ro Parlamento Europeu aprebó ahiere mesmo, que pide mas armas pa Zelensky y una nueva ronda de sancions que serán pagatas per o pueblo. En vegata, Von der Leyen abanzó ra intensidat de ra represión cuentra ro pueblo y especialment cuentra ros refuchiatos y immigrants duplicando ras fuerzas d’Europol y triplicando las de Frontex.

– l’aumento de l’emparo polifacetico de ra UE a ro Estato ocupant d’Israel pa ra continación de ro chenocidio de ro pueblo palestino.

– l’ataque de ra UE y ros gubiernos burcheses a ras vidas y dreitos de ra clase obrera en toz es suyos estatos miembros pa aumentar a rentabilidat de ros monopolios europeus, pa enamplar es suyos privilechios y instalacions, como los anunciatos en feroz competencia con grupos rivals de ros atros centros imperialistas .

Sobre a base d’estas direccions, a clase obrera en o nuestro país seguirá sufrindo crímens como ro zarre d’industrias, despidos y asasinatos laborals que se reflectan en as directivas de ra UE, como ra embotada de “pilar de ros dreitos socials”.

L’agricultura pobre seguirá quexando-se baxo ro peso de ra PAC “revisata”, ros carismos costes de producción y ros autonomos per es impuestos desenfrenatos, as catellas y ros zarres patronals. A clase obrera seguirá estando cada vegata mas esclafata per es crexents pres de ro mercato enerchetico liberalizato a causa de ra Bolsa d’Enerchía de ra UE y a ros gubiernos, as tarchetas “verdas”, es logueros y ras subhastas inaccesibles, pero tamién a entrega d’educación y salut. Pero tamién as retalladas salvaches en o gasto social en o contexto de ro nuevo “Pacto d’Estabilidat”.

Cuentra ro frent de ros gubiernos burcheses de ra UE, ro capital, a clase obrera puede organizar o suyo propio cuentraataque, oposando-se a ra luita organizata pa desfender es suyos intereses, obtener dreitos, prener un aliento, exichir medidas immediatas d’alivio aplanando ro camín pa ro derrocamiento de ro poder de ros monopolios y de ras asociacions imperialistas que lo sirven, pa prener en as suyas propias mans as riquezas que producen y les pertenexen.