A vicepresidenta segunda y ministra de Treballo, Yolanda Díaz (Sumar), ha anunciau este marz en Bruselas un alcuerdo con o PSOE pa “la derogación d’a lei mordaza”. Este yera uno d’os puntos que replegaba l’alcuerdo de Gobierno entre las dos formacions.

A derogación d’a lei mordaza ye un compromiso de Pedro Sánchez con os suyos socios d’investidura. Tamién amostra una reforma d’o código penal que afectará a las inchurias a la corona, a atras institucions y a las libertaz publicas que se veyeban condicionadas por esta norma.

O pacto tamién incluye a ley de Publicidad Institucional que, ha asegurau, aturará a la financiación publica de “pseudoperiodistas” fendo un poder pa “una ley que va a privar que quiens vulneren os codigos deontolochicos en o periodismo” reciban subvencions.

Con l’alcuerdo anunciau este marz, o Gobierno, agora con Sumar, prebará por segunda vegada de derogar esta norma, herencio d’o echecutivo de Mariano Rajoy, dimpués d’o fracaso en a zaguera lechislatura chunto a Unidas Podemos.

En 2023, a reforma d’a lei s’amortó en o Congreso dimpués de tres anyos de tramitación parlamentaria por o voto en cuentra de ERC y Bildu. As esferencias con estos socios d’a coalición yeran por fer servir as pilotas de goma, que no se vedaban, por as “tornas en caliente” y por as multas por faltas de respeto a la autoridat y a la desobedencia.

Con tot y con ixo, dende o PSOE y dimpués mesmo dende Sumar, han esclareixiu que nomás va a cambiar a parti d’a lei que fabla d’a libertat d’espresión.

O portavoz adchunto de Sumar Enrique Santiago, anuncié dimpués que lo que va a modificar-se nomás estará l’articlo 36 d’a lei, que fa que deixe d’estar infracción gravar y espardir imachens de policías en manifestacións.