Contino reproducimos lo comunicau d’o sindicato SOA sobre las grieus retalladas que se son producindo en a educación publica.

“Dende fa semanas s’han produciu manifestacions y concentracions en las tres provincias aragonesas pa protestar per la situación que s’avecina lo próximo curso. Esto repercutirá en los desdobles, apoyos y prochectos que no podrán desenrrollar-se, puesto que no se cumplen los cupos de profesorau previstos tanto per los centros d’Educación Infantil y Primaria como en los de Secundaria.

La “reorganización y reasignación” propuesta per l’actual gubierno aragonés afectará especialment a los alumnos con més dificultaz y con necesidaz específicas. Asinas como a los Colechios Rurals Agrupaus, an que no s’han teniu en cuenta las suyas peculiaridaz, puesto que los docents han de trasladar-se d’una siede enta un atra, y las ratios son més baixas pero concentran 9 nivels dintro de cada aula, en o caso d’as unitarias. En muchas d’estas unitarias se preveyeban 1’5 u incluso 2 mayestros/as pa, a lo menos, poder separar Infantil de Primaria, pero sorpresivament s’han quedau con un mayestro/a pa tota la siede.

Per tot ello dende lo nuestro sindicato manifestamos un total desacuerdo per estas medidas que, encara que se subsanen de cara a setiembre, provocarán un difícil comenzo de curso ya de normal complicau en nuestros centros escolars, asinas como preocupación per la carga de treballo y estrés en verano a los equipos directivos, que pasarán este periodo preocupaus per tener los horarios sin fer y las necesidaz sin cubrir.”