O Colechio Rural Agrupao (CRA) Alta Ribagorza, que incluye ros lugars de Benás, Sarllé, Castilló de Sos, Saúnc y Las Pauls, protagonizó una manifestación o 8 de chulio en Castilló de Sos pa protestar cuentra ras retalladas previstas en l’asignación de cupos docents pa ro proximo curso. A protesta, organizata per l’asociación de mais y pais, surche a causa de ra supresión de 4,5 docents y ra reducción d’horas asignaas a l’atención de l’alumnato, lo que afectará negativament a calidat educativa y ro futuro de l’estudiantato.

Razons de ra protesta

A comunidat educativa de ro CRA Alta Ribagorza ha expresato ra suya profunda preocupación per o impacto que estas retalladas tendrán en o sistema educativo rural. Es país, mais y ro profesorato argumentan que ra disminución de personal docent y de recursos mete en risgo ra educación integral de ras ninas y ninos, especialment en un contexto rural dó ras escuelas ya enfrontinan multiples desafíos, como ra dispersión cheografica y ra falta d’infrastructuras adecuatas.

Consecuencias de ras retalladas

L’organización de ra manifestación sostiene que ra reducción de 4,5 docents no nomás implica menos profesorato en as aulas, sino tamién menos tiempo dedicato a actividaz esencials pa ro desenrollo de ras y ros estudiants, como l’emparo individualizato, actividaz extracurriculars y prochectos educativos innovadors. Esta situación, aseguran, levará a un deterioro en a calidat de ra ensenyanza y limitará ras oportunidaz educativas de ras y ros ninos de l’Alta Ribagorza.

Emparo de ra comunidat

A manifestación contó con una amplia participación de familias, treballaderas y treballadors, que amostroron o suyo descontento. A comunidat local ha expresato ro suyo emparo a ras demandas de l’asociación de pais y mais, subrayando ra importancia de mantener una educación de calidat en as zonas rurals pa asegurar un futuro prospero pa ra suya descendencia.

A l’acción

L’organización ha solicitato a ro Gubierno d’Aragón y a ro Departamento d’Educación que reconsideren as retalladas y guarencien es recursos necesarios pa ro correcto funcionamiento de ro CRA Alta Ribagorza. Insisten que una inversión adecuata en educación ye fundamental pa ro desenrollo socioeconomico de ra comarca y pa privar a despoblación rural. A protesta en Castilló de Sos ye un reflecto de ra crexent preocupación per o futuro de ra educación en as zonas rurals d’Espanya. A comunidat educativa de ro CRA Alta Ribagorza ha dexato claro que no acceptará pasivament as retalladas que menazan con deteriorar a calidat de ra ensenyanza y comprometer o futuro de l’alumnato. A manifestación ye nomás ro comienzo d’una serie d’accions que, seguntes l’organización, continará dica que se guarencie una educación digna y de calidat pa tot l’alumnato de ro colechio.