Ye a primer sanción d’iste organo pa lo partiu d’extrema dreita.

Conta o diario El País que as colectas para querellar-se cuentra oponents politicos yeran irregulars.

O Tribunal de Cuentas concluye que Vox fació dos infraccions continas muit graves contra la ley de financiación de partius (LOFPP), que no deixa a las formacions politicas recibir donacions anonimas.

Ixas donacions estioron en 2019, cuan Vox empentó una campanya de recaudación pa la “causa” clamada ‘Querella contra Quim Torra’, que recaudó 31.664,80 euros.

Amás amás, Vox ingresó atros 120.482,93 euros pa la causa ‘Ayúdanos con la fianza Borja’. Que estió un choven condenau a dos anyos en a garchola y una indemnización de 180.000 euros por l’homicidio d’un atracador al que se encaró. A sentencia prebó que no lo fació “en lechitima esfensa”.

Asinas, O Tribunal de Cuentas mete una primer sanción de 50.000 euros, que ye o minimo ficau pa las infraccions muit graves, y una segunda multa que puya ta los 183.324,22 euros, pa la campanya por “la fianza de Borja”.