As autoridaz estatals de ro Sudán han tornato a recorrer a ra practica conoxita de persecución cuentra ros miembros de ro Partito Comunista Sudanés y atros disidents politicos que s’oposan a ra guerra.

Esta vegata, chunto con atros companyers, o servicio d’intelichencia militar procedió ro luns 24 de chunio a ra detención ilegal d’Amal Al-Zain, miembro de ro Buró Politico de ro Partito Comunista Sudanés, o suyo parador ye desconoxito, mientres que ra suya familia y avogatos no han puesto veyer-lo.

En un comunicato,  Fathi Al-Fadl, miembro de ro Buró Politico de ro Partito Comunista Sudanés pide ra liberación de toz es presos politicos. Lo reproducimos contino:

A liberación de ros detenitos politicos ye una necesidat urchent

“L’autoridat de facto de ros chenerals de ro Comité de Seguranza, a traviés de l’Achencia d’Intelichencia Militar, contina ra suya campanya de detención d’activistas politicos y cuadros que s’oposan a ra guerra y exichen o suyo cese. Cuantas ciudaz asisten a detencions y restriccions a ra libertat d’expresión y movimiento. Intelichencia Militar acusa bels detenitos que s’oposan a ra guerra de promover as posicions de ra milícia de ras Fuerzas de Refirme Rapido.

En Shendi, a ro norte de ro Sudán, a Intelichencia Militar fació una ampla campanya de arrestos, dirichita a cuadros politicos, activistas en comités d’emerchencia y comités de resistencia y voluntarios en treballos beneficos. As mesmas mans criminals tamién han detenito ro nuestro camarada Awad Beyan en circumstancias semellants a las de ra detención de ra camarada Amal Al-Zain.

Nusatros, en o Partito Comunista, exichimos a libración immediato de toz es detenitos politicos de ro movimiento politico, de ros comités de resistencia y de ras organizacions de ra sociedat civil. Femos a Intelichencia Militar y ras autoridaz de facto responsables de ra seguranza y ra salut de ros detenitos, posando l’accento en a necesidat de respectar a suya dignidat, tratar-los con humanidat y ofrir tractamiento medico a ros enfermos.

Instamos a totas as fuerzas activas -las que repuyan as autoridaz de facto- y a ras organizacions de dreitos humans a intensificar as suyas campanyas de solidaridat con es detenitos politicos y continar exichindo ra suya posata en libertat immediata”.