Es municipios de Bielsa y Plan han solicitato a ra Confederación Hidrografica de l’Ebro (CHE) que actúe urchentment pa limpiar es entibos de Pineta y Plandescún. Esta petición surche a causa de ras inundacions que afectan a cambos agricolas y infrastructuras, limitando l’actividat economica de ra rechión.

 _{^{Cambos engaronatos en Pineta}}

Problemas en es entibos

Toz dos entibos son colmatatos dende fa tiempo y ra situación ha empiorato dimpués de ras fuertes precipitacions de ro hibierno y ra primavera. O deschele recient ha depositato grans cantidaz de piedras y buro en estas infrastructuras, aumentando o risgo d’inundacions en es cambos y carreteras cercanas.

Impacto economico y social

Es municipios de Bielsa y de Plan, destacan que l’acumulación de solatas ye alterando es caxeros orichinals de ros ríos y afectando negativament es pastos y ras carreteras. En Pineta, ra profundidat de ro entibo ha disminuyito drasticament, metendo en risgo ra carretera a ro Parador Nacional. En Plandescún, o entibo parexe una placha a causa de ra cantidat de solatas, afectando a l’agricultura y ganadería locals.

Es municipios han criticato ra falta de respuesta de ra CHE, que ya estió informata de ra situación en chinero. Subrayan a necesidat d’una intervención immediata pa privar que ra situación siga deteriorando-se y limitando o desembolique economico y social de ras zonas afectatas.

A limpieza de ros entibos de Pineta y Plandescún ye crucial pa ra preservación de ra infrastructura local y ra continuidat de ras actividaz agricolas y ganaderas que son vitals pa ra economía de Bielsa y Plan. Es municipios instan a ra CHE a prener medidas immediatas pa solucionar este problema que afecta a ra comunidat.