Celebración y Premiatos

O 29 de chunio de 2024, o Ligallo de Fablans de l’Aragonés y ra Fundación Aragonum atorgoron es Premios Arredol 2024 en Zaragoza. Este evento honra a qui han dedicato ras suyas vidas a ra defensa y promoción de l’aragonés. Este anyo, ros gualardonatos estioron Francho Nagore Laín, Paco Lanau Buetas, Michel Gil Orleans y Mercedes Peña Azcón, reconoxitos per o suyo compromiso y treballo en favor de l’aragonés.

Francho Nagore Laín

Filologo y escritor academico, Nagore Laín ha estato una figura central en es estudios de l’aragonés. O suyo treballo ha contribuyito significativament a ra preservación y promoción de l’aragonés.

Paco Lanau Buetas

Como profesor voluntario en o Ligallo de Fablans de l’Aragonés, Lanau Buetas ha amostrato y difundito l’aragonés a traviés de ra suya dedicación y pasión per l’idioma.

Michel Gil Orleans y Mercedes Peña Azcón

Chuntos, Gil Orleans y Peña Azcón chestionoron “A Botiga de Fablans” dende ros anyos 90 dica ros 2000, promovendo l’aragonés y ra cultura aragonesa a traviés de ro suyo treballo en esta botiga emblematica.

Importancia de ros Premios Arredol

A represa d’estos premios, que se celebraban historicament cada 23 d’abril, ye especialment significativa en o contexto actual de desprotección y falta de reconoxencia de l’aragonés. A ceremonia coincidió con o aniversario de ra constitución de ro Ligallo, ro 29 de chunyo de 1982, y estió un recordatorio de ro compromiso contino con a visibilidat y la defensa de l’aragonés.

Ceremonia y actuacions

A entrega de premios estió a ras decinueu horadas en a siede de l’Agrupación Artistica Aragonesa en Zaragoza y contó con es discursos de Lizer Fleta Esteban, president de ro Ligallo de Fablans y de Bizén Salamero Casado, vicepresident de ra Fundación Aragonum asinas como con l’actuación de “Os chotos” (metendo voz a l’historico Anchel Conte), Kike Ubieto y Miguelé Abadías, qui metioron o broche d’oro a la veilata antes de ra cena de gala a un cuarto pa ras nueu o mesmo puesto.

Es Premios Arredol 2024 destacan a labor increbantable d’individuos que han dedicato ras suyas vidas a ra promoción y preservación de l’aragonés. Estos gualardons no nomás reconoixen los suyos esfuerzos, sino que tamién subrayan la importancia de continar emparando y visibilizando este idioma, patrimonio cultural invalurable.